Tuesday, 20 December 2016

బజ్జోరా తల్లి , బజ్జోవే తండ్రి


బజ్జోరా  తల్లి , బజ్జోవే తండ్రి
నే చెప్పే కధల అలల కలల తేలాడి
బజ్జోవే తల్లి , బజ్జోవే తండ్రి
నే చెప్పే కధల అలల కలల తేలాడి || బజ్జో ||

అనగనగా ఒక వూరిలో కలువల రేడు
అత్రి అనసూయల గారాల బిడ్డడు
పదహారు వన్నెల వెన్నెల కాడు
రోజు మీతో ఆడే అందాల చంద్రుడు
ఇంటికెళ్ళాలి బువ్వలు తినాలి
మళ్లీ రేపటికొచ్చి మీతో ఆడాలి    .. కాబట్టి || బజ్జో ||


జాజి సంపెంగిలేమో విరబూసే లే
చంగల్వ కాంతులతో రేయి ముస్తాబయ్యాలే
గోవులు గువ్వలు కూడా గూడు చేరెనే
పడమటి దుప్పటి గప్పి సంధ్య నిదురపోయెనే .. కాబట్టి
నిదురపోవాలి నిదురపోవాలి
మళ్లీ ప్రొద్దున లేచి ఆడుకోవాలి   .. కాబట్టి || బజ్జో ||

1 comment:

  1. Excellent Swathi garu. After reading the song, i went to sleep, super . keep it up ::)

    ReplyDelete