Sunday, 29 July 2012

రాగాల పల్లకీలో

రాగాల పల్లకీలో సప్త స్వరాలు దాటి..
సంగీత సాగరం లో స్వరమవ్వాలని
పదంమవ్వాలనీ కోరిక..  ||రాగాల ||

సుమధురం , మృదులం నవనీతం
పంచమ శ్రుతి లో కోకిల గానం
ఆ గానానికి గళమవ్వాలని
ప్రకృతి లో వసంతమవ్వాలని మది కోరిక  ||రాగాల||


పయనించే జీవితం లో
ఎన్నో ఆరోహణలు అవరోహణలు
రాగం తానం శ్రుతి లయ మిళితం
జీవన రాగం కావాలని మది కోరిక ||రాగాల ||

Saturday, 28 July 2012

మనసు పాడే మౌన గీతం .. చైత్ర వానలా

నిన్ను చూసాక నేడు , ఏమైయందో తెలియదు నాకు


కలల వొడి లో నేను కవిని అయ్యాను చూడు

నీ మాయలోనే ధ్యానము...

మనసు పాడే మౌన గీతం .. చైత్ర వానలా



నీ నవ్వు చూసి అ కలువ చిన్నపోయిందిలే

నీ మాట విన్న ఆ చిలుక మూగ బోయింది లే

కలువల రేడు నిన్ను చూసి , మబ్బుల చాటున దాగే లే..

నిజమైన కలయే నీవనీ.

మనసు పాడే మౌన గీతం .. చైత్ర వానలా ||నిన్ను ||





నీ మదిని చేరు కో లేక , మది పడే తిక మక..

చాలించి నీ ఈ కినుక మన్నించు నన్నిక

జాలువారిన ఈ భావావేశం నీ తలపులను తాకలనీ

కలనైన నిన్ను చేరాలనీ

మనసు పాడే మౌన గీతం .. చైత్ర వానలా  ||నిన్ను||

Sunday, 26 February 2012

కొమ్మ కొమ్మల సాగే

కొమ్మ కొమ్మల సాగే కోకిలమ్మ స్వరాలూ
రెమ్మ రెమ్మల నడుమ తీయ్యనైన పదాలూ కొమ్మ కొమ్మల

వసంతుని రాకతో వికసించిన నందన వనము
మల్లెలమ్మ ఘుమ ఘుమ తో పూరివిప్పిన ప్రకృతి గళము
జాబిల్లమ్మ పల్లవి తో , వెన్నలమ్మ సవ్వడి తో
స్వాగతం పలికింది చైత్రమాసాగమనం ||కొమ్మ కొమ్మల||

నిస నిస పని సని.. ప..మ గమప గమప గమప..
నిస నిస పని సని.. ప..మ గమప గమప గమప..

మావి చిగురు తిన్ననాటి కొత్త కోయిలమ్మకు ,
పొంగి పొరలు కొత్త సొగసుల చీనాంబరి చిందులకు ,
పులకించిన మనసుతో ,నిండిన స్వరాలతో
స్వాగతం పలికింది చైత్రమాసాగమనం ||కొమ్మ కొమ్మల||

జన్మభూమి జన్మభూమి

జన్మభూమి జన్మభూమి జన్మభూమి ,ఇది పవిత్ర భూమి , మాతృ భూమి
మమతలకు నిలయమై , ఐక్యతకు ఆదర్శమై
నిలచినదీ భూమి , వెలసిన భూమి జన్మభూమి

మానవ సేవే మాధవ సేవని , నమ్మిన భూమి , చూపిన భూమి
అర్పణ చేసే సమయమిది , ఋణం తీర్చికొనే తరుణమిది జన్మభూమి

చేయి చేయి కలుపుతూ ప్రగతి కి నాన్దిడుతూ ,
భుజం భుజం కలుపుతూ , భవితకు బాటిడుతూ
జన్మభూమి స్పూర్తు బూని అందరమూ కలసి ,
సాధిద్దాం ప్రగతిని ముందడుగేసి జన్మభూమి

కులం మరచి , బలం మరచి , జాతి భేదం విడచి
స్రామికులై శ్రమతో , శ్రమదానం చేసి
నీది అని , నాది అని స్వార్ధమును విడచి
గెలిపిద్దాం జగతిని అందరమూ కలసి జన్మభూమి


(Winner of state level singing competition 1996 , composed & written by swathi akella)

లత వై నాకు జత వై

ఆకాశ వీధి లోన , వెన్నెల పూల లత వై
లత వై నాకు జత వై , నా కవిత ప్రాణ గీతిక వై

నీ గానమే మృదుల గానమై , ఊయలూగ సాగే
నీ నాట్య మే ప్రణవ నాట్య మై సదా విరులు కురియ సాగే ||ఆకాశ||

నీ కురుల సోయగాలే నీలి మేఘపు ఛాయలై
నా కవితా వేసపు ఝల్లు లై , రస మాధురి వెల్లువలై ||ఆకాశ||

నీ అందెల సవ్వడులే సిరి విల్లై విరిసే
నా పద సాహితి నవనికేతన రాగమే హరి విల్లై విరిసే ||ఆకాశ||
(Composed & Written by Swathi Ramalakshmi Akella)

Tuesday, 3 January 2012

లలిత గీతం

లలితముగా లలిత గీతం పాడనా
మది మెచ్చిన రాగం లో
ప్రియ గీతం పాడనా
మధుర గీతం పాడనా || లలితముగా ||

మధుమాసం లో మల్లెల మాలతి విరిజల్లె కురిపించనా
రాగాల రమణీయ మాధురి నాట్య రవళి చూపించనా
సప్త స్వరాల సాన్నిధ్యం లో కల్యాణి ని వినిపించాన
మధుర గీతం పాడనా || లలితముగా ||

మాటలు రాని హృదయం లో దాచిని సుమధుర భావనలన్నీ
మాటలు చేసి రాగం పోసి గీతమై వెలసిన గీతిని
సప్త స్వరాల సాన్నిధ్యం లో పాడనా తీయగా
పాడనా తీయగా || లలితముగా ||

ఆశువు

అశువులు బాసిన నాలో ఆశువుకి

ఆశ పోద్దామని ఒకనాడు తటాకానికి చేరా

కదులుతున్న చేపల కోలాహలం

పదిలెస్తూ ఎగురుతున్న కెరటాల కుతూహులం

పురివిప్పిన పున్నమి నాట్యం

గగనం లో మేఘనాధుని విన్యాసం

నేను చూసిన మొదటి దృశ్యం

లోతుల్లో దాగున్న మాటల మూటలు

తవ్వుదామని తవ్వకాలు మొదలు పెట్టా

ఇంతలో ఎదకి చేరువుగా

మట్టిపట్టిన గుహ ఒకటి కనిపించింది

పూడుకుపోతున్న ఆ గుహని చూసి విగతనయ్యా

గుహని తవ్వడం మొద లుపెట్టా

నానిపోయిన నన్నయ్య పదవిన్యాసాలు

రాళ్ళు గా మారిన రమణీయ కావ్యాలు

బూజుపట్టిన బుజ్జుగాడి హాస్యాలు

గురుతులు పోతున్న గురజాడ జాడలు

శిలాజాలైన నాభాష ఆనవాళ్ళు

నాకుదోరికిన మొదటి రత్నాలు

గోతుల లోతులు పెరిగాయి

యదలోయల గోడలు పగిలాయి

యమాత రాజభానసలు

ఎడతెరగని సంధులు సమాసాలు

తెలుగు గురువుగారి తియ్యని పద్యాలు

అమ్మనేర్పిన సుమతి శతకాలు

నాకు మిగిల చివరి ఆస్థి పాస్థులు

ఆసువుని బ్రతికించానో లేదో తెలియదు కాని

భాషని బ్రతికించుకోగలిగా

తటాకానికి కృతఙ్ఞతలు చెప్పి

తీపి జ్ఞాపకాలతో వెనుదిరిగా

మాతృభాష అమ్మవంటిది

దాన్ని మరువడమంటే అమ్మను మరిచినట్టే